كلنا بنحب البسكوت وطريقه تقديمه وتشكيله بتخلى الكل يحبه اكتر
تعالى اقولك افكار جميله تنفع للخطوبه واعياد الميلاد والحفلات
وكل ده بعجينه بسكوت البودر وهى سهله وسريعه
المقادير
3 كوب دقيق
كوب سكر
كوب سمن
3 بيضه
الوان اكل
بودر وفانيليا وشه ملح
الطريقه
هنضرب السمن لحد ما يبقى كريمى ونضيف السكر ونكمل ضرب ونحط البيض ونكمل وبعدين الفانيليا ورشه المالح
والدقيق والبودر واحده واحده لحد ما تتكون عجينه متماسكه
ونبدا بالتلوين
وده شكل العجينه لونتها احمر واصفر وسبت جزء ابيض
اول طريقه عملت كور صغيره من كل لون وعملت بيهم ورده زى دى و رصتها فى صنيه الفرن
وتانى طريقه الرول وحطيت جزء ابيض وجزء احمر وجزء اصفر وفردتها على بلاستك علشان تكون سهله وحطتهم فوق بعض زى كده
ولفتهم رول واحد وقطعتهم دواير
تالت طريقه هى نفس الرول بس طريقه التقطيع هتكون مثلثات
رابع طريقه هنفرد العجينه باى لون زى الاحمر ونقطع دواير ونعمل كور صغيره جدا من لون تانى زى الاصفر ونعمل فوق الدايره ورده صغيره وممكن نعكس الالوان ودى شكلها تحفه وجديده تنفع للمناسبات
وده شكلها بعد السوى يا رب تعجبكم
موضوع: بسكوت البودر بكل اشكاله 
الإثنين أغسطس 22, 2011 9:57 am
