قصيده جميله عن ثوره مصر للشاعر طاهر جلال الدين

طاهرة وأبية...
حلوة وعفية
مش مجرد شعر بكتب
أو بألف مسرحية
ومش عشان الناس تقولى..
كلام يبيّن حب فيا
مش مجرد لمحة حلوة كتبتهالِك..
ع السجية
لأ تاريخك اللى كاتب
فوق صخور صلبة وعتية
بوعدك من كل قلبى..
ومش بمثل تمثيلية
مش هتبقى فى يوم ضحية
ومش هتبقى فى يوم ضحية
هضحى ليكى بكل غالى
ولو هضحى بنور عنيا
هضحى ليكى بكل غالى
ولو خدوا روحى سبية
وتفضلى عالية وأبية
ومش هتبقى فى يوم ضحية
ثار ولادك ثورة رافضة
للفروق العنصرية
ثار ولادك ثورة رِجعت..
بالحقوق المدّارية
ثار ولادك ياما ثاروا
ثورة رايحة وثورة جاية
قالوا لأة لكل ظالم
دوقوه طعم المظالم
حطموا جنازير شديدة
كانت مكتفة الحرية
ياما زيفت وطنية
هدّموا أبواب شديدة
كان وراها الحر مرمى
ع البلاط ومالوهش دية
قال حموكى وهما سرقوا كل خيرك
نشفوا بالقسوة نيلك
طولوا بالظلم ليلك
قلعوكى الجلّابية
لبّـسوكى العمة يامه
وياما كنتى مدّارية
جم ولادك حرروكى
من وحوش المعبودية
استشهدوا
وبدمهم مية ترعة جارية
يسقوا أرضك اللى نشفت
من معانى الإنسانية
علّـــموا إن الظلم رايح
ومصر لسة هى.. هى
أنتم الأبطال بجد
وغيركو كان عامل ولية
وعمر ماولادك يا أمى
عملوا حاجة فوضوية
هى كلمة لكل ظالم
مصر عالية رغم أنفك
مصر مش ممكن تطاطى
لحد زيك
ومش هتبقى فى يوم ضحية
مش هتبقى فى يوم ضحية

موضوع رائع

فى انتظار المزيد من الابداع