مضادات الكوكسيديا فى الاعلاف

كلنا عارفين ان فية مضادات كوكسيديا علفية

ودى مقسمة الى كيماوية ووايونوفور 

الكيماوية زى الامبرول والسلفا والتولترازوريل واداى كلارزوزوريل

الانيونوفور زى المونانسين - السالينومايسين - لاسولاسيد -ميديوراميسين - نيكاربازين

هنتكلم عن حاجة خطر جدا ومشاريع كتير بتقع فيها لو مكنش فيها رجل فارما جيد

اولا المجموعة التانية اللى هى الايونوفور

دى تعتبر اضافات اعلاف 

عند اضافتها الى العلف لابد من محاذير معينة

ناخد منها شوية

** اولا ودى الكل عارفها لا تستعمل تياميولين بتاع الميكوبلازما لان بيعمل تسسمات عالية وممكن يعمل نافق عالى

** تعالى بئى للاخطر وهو استعمال النكاربازين كاضافات اعلاف 

اولا بيعمل احتباس حرارى عالى على الفراخ ويسبب نفوق ولما تيجى تشرح نفس اعراض الصدمة الحرارية

يعنى خطر استعمالة فى الصيف

ثانيا لو اعطى لقطيع بياض بيض مائدة بينى

بيحول البيض من اللون البنى الى اللون الابيض خلال اقصى تقدير 48 ساعة من تناولة

ودا خطيرة جدا

والغريب اننا لو شلناة من العلف يرجع بردة اللون البنى للقشرة خلال نفس المدة 48 ساعة

تعالى فى الامهات

قطيع انتاجة 88% والاخصاب بتاعة 95%

لو اضاف النكاربازين الى العلف بنسبة 10 جرام على الطن بيقلل الخصوبة الى 90%

لو استعملناة بمعدل 20 جم مادة فعالة على الطن بيخفض خصوبة الديوك الى 77%

لو استعملناة بمعدل 40جرام على الطن بيقلل الخصوبة الى 72%

لو استعملناة بمعدل 80 جم على الطن بيقلل الانتاج الى 82% وبيخلى الخصوبة 58%

لو استعملناة بمعدل 125 جم على الطن بيقلل الانتاج الى 65% والخصوبة الى 45%

اما لو استعملناة بمعدل 250 جم على الطن بكدا دمرنا الخصوبة تمام والانتاج اصبح 40%

ودا بعد 28 يوم من اضافتة للعلف

الغريب بئى ان لو شيلناة من العلف بعد نفس المدة اللى هى 28 يوم يرجع الخصوبة والانتاج الى طبيعتهم

دا احد التسممات الدوائية المعروفة