من المعروف ان مركبات السلفا بتاثر تاثير جيد على الكوكسيديا
لاكنها بتعمل مشاكل فى الكلى لان تمثيلها منها واخراجها
طيب ازاى انت كمربى تعرف تختار تعالج كوكسيديا من غير تاثير على الكلى
اولا معاك اقوى مادتين تاثيرا على الكوكسيديا
تولترازوريل
داى كلاروزوريل
والمادتين دول يعتبروا قاتلين لاى نوع من انواع الايميريا التسعة اللى بتصيب الدواجن
علشان كدا بتشتغل كعلاج
وعندك الامبرول وهو بيحرم طفيل الكوكسيديا من فيتامين ب1 وذالك بيعتبر موقف لنمو الكوكسديا وليس قاتل علشان كدا نستعملة فى الوقاية افضل او فى اول اطوار المرض
وعندنا مجموعة الايونوفور (سالينومايسين - سمديوراميسين - لاسولاسيد ...)
ودى علشان بتاثر فى الاطوار الاولى من حياة طفيل الكوكسيديا فهى تشتغل وقاية على العلف فقط
اما مركبات السلفا
علشان نعرف اى مركب بياثر على الكلى
لو قليت السلفا لوحدها فى الدواء فهى هتاثر على الكلى
اما لو لقيتها فى صورة سلفا ثلاثية يعنى 3 انواع مع بعض فى نفس المركب فدى تاثيرها على الكلى اقل لان كل جزء منهم بيخرج من جزء من الكلى فالضرر بيخف
اما لو لقيت السلفا مخلوطة مع المركبات الاتية
داى فيردين
ايثوبابيت
برى ميثامين
فدى سلفا امنة على الكلى لان المركبات دى بتققل من مضارها
[
center]
موضوع: السلفا الآمنة فى الدواجن 
الجمعة ديسمبر 27, 2013 2:16 pm
