رعاية الكتكوت فى اول 7 ايام

هنتكلم عن اهم ايام فى عمر الكتكوت وهى اول 7 ايام
واية المخاطر اللى بيتعرض ليها الكتكوت فى اول الايام وبيعمل نتايج غير مرغوبة واحنا مش حاسين

** اول ملحوظة وهى لازم التدفئة قبل وصول الكتاكيت بفترو اقل حاجة 24 ساعة طبعا الناس بتحب توفر فى الموضوع دا بس بعد ما تسمع الكلام تعرف ان الموضوع مهم

اولا لازم حرارة الجدار تكون 28 الى 29 درجة وحرارة الفرشة من 30 الى 32
وبالتالى حرارة التحضين متوزعة على الحضانة بتكون من 33 الى 34 درجة
ودا كلة مش هيحصل الا دفينا بفترة كافية قبل ميعاد استلام الدفعة علشان كل جزء من العنبر يقدر ياخد حرارتة

اى منطقة من العنبر مش هيكون فيها الحرارة كدا هيتعرض الكتكوت بطئى فى النمو متناسب مع كمية الانخفاض فى الحرارة

** الحرض كل الحرض على ان يكون ادنى نقطة فى الحضانة مقاربة لاعلى نقطة فيها حراريا يعنى الفرق لا يتعدى 2 درجة
لان لوحظ ان الفرق العالى فى الحرارة فى الحضانة الواحدة بيعجل من الامراض التنفسية
طيب لوحظ حاجة هامة جدا لو الطير اتعرض لحرارة اقل من اللى هو عاوزها وكان الانخفاض دا عالى
بيمنع نمو وتطور الامعاء والفلور المعوية
وبالتالى يؤثر على الهضم ومن هنا بتكتر موضوع السردة وتفاوت الاحجام

** من الخبرات الجميلة جدا فى موضوع اجود شغل اول 7 ايام دا
هو الاهتمام الرهيب ان غالبية الكتاكيت تشرب مية فى الساعات الاولى منعا للجفاف وكمان تحفيز للامعاء
ومن الخبرات الحقلية فى المجال دا هو خلط الاكترولايت مع العسل الاسود مع مشروف الينسون
كل واحد فى ال3 حاجات دى ليها دور جميل جدا والثلاثة مع بعض بيعمل افضل استهلاك للماء فى اول ساعات من عمر الكتكوت

** اخطر حاجة فى الفترة الاولى هى تعرض الطير لثانى اكسيد الكربون ومعروف ان اى ارتفاع فى نسبتة بتكون على حساب الاكسجين يعنى هيعمل صدمة فى النمو فى الفترة الاولى لان معروف ان نمو جسم يعنى اكسجين متاح

** اخر نقطة هى المحافظة على عدم جفاف جو الحضانة لان الكتكوت جاى من رطوبة من 55 الى 65 % فى المفقس ولو الحضانة كانت جافة هيحصل جفاف سريع نتيجتة تقلص فى خلايا جسم الطير وهيعمل اسؤء تحويل عذائى

كل النقاط دى مهمة جدا فى الفترة الاولى لو عاوز اعلى وزن من الكتكوت بتاعك