كبسة دجاج بتشهي

[وحدهم المديرون لديهم صلاحيات معاينة هذه الصورة]


المكوّنات

2 كيلو أفخاذ دجاج
3 كاسات رز بسمتي
2 حبتين بصل
2 فليفلة خضره
5 حبات بندورة
مكعبين ماجي
ملعقة دبس بندورة
ملعقة دبس فليفلة
ملعقة صغيرة فلفل
ملعقة صغيرة بهارات السبعة
ملعقة صغيرة زنجبيل مطحون
ملعقة صغيرة كركم
ملعقة صغيرة كاري
ملعقة بهارات الكبسة
رشة صغيرة هيل مطحون
مكسرات للوجه (كاجو -لوز-فستق سوداني)

الخطوات

أولاً منظف أفخاذ الدجاج ومنسلقهن ومنضيف لمرقتهم ورق غار وكم حبة هيل وقطع زنجبيل شرائح ومنتركهم لينسلقوا منيح
صورة الخطوة 1 من وصفة كبسة دجاج بتشهي

مننقع الرز بماء دافية ومنتركو شي نص ساعة وبهالوقت منقطع البصل تقطيع ناعم منحطه بالطنجرة مع شوية زيت ومنقلبه بعدا منضيف الفليفلة كمان منكون مقطعينا تقطيع ناعم ومنقلبها

منقطع البندورة مكعبات صغيرة ومنضيفها بعدين منضيف دبس البندورة ودبس الفليفلة ومكعبات الماجي وباقي البهارات المذكورة ومنقلبهم منيح ومنخليهم يغلوا شي خمس دقايق

منغسل الرز ومنصفي منيح ومنضيفه على الصلصة ومنقلبه منيح بعدا منضيف عليه مرقة الدجاج يلي سلقناه لحتى ينغمر الرز شي إصبعتين فوقه ومنحركه ومنغطي ومنهدي عليه ومنتركه ليستوي الرز متل العادة

أفخاذ الدجاج منشيلن من المرقة ومنغمسن بصوص المكون من ملعقتين لبن -ملعقة دبس فليفلة-رشة كركم)منخفقن مع بعض ومنكسرهم بشوي من مرقة الدجاج ومنغمس فيهم الدجاج ومنحطهم بصينية منحمرهم بالفرن لحتى يشقروا أو اذا بتحبوا خلوهم زيادة ليصير لونهم بني ذهبي

منحمس المكسرات مع ملعقة سمنة أو زيت ومنخليهم ليشقروا

هلأ منسكب الرز بصحن التقديم ومنصف فوقو الدجاج ومنفرد المكسرات على الوجه ورشة فلفل ومنقدم أطيب كبسة مع صلطة كتييير بتشهي وبالهنا والعافية