محمد البرادعى (ابو الثوره)

محمد البرادعى


محمد مصطفى البرادعى (اتولد فى الجيزة - مصر 17 يونيه 1942) قانونى و ديبلوماسى مصرى, و مدير عام سابق لوكالة الطاقه الذريه الدوليه (IAEA) التابعه لـ الامم المتحده من 1 ديسمبر 1997. كرمه العالم بمنحه جايزة نوبل للسلام سنة 2005 هوه و الوكاله الدوليه عشان جهوده و الوكاله لمنع انتشار السلاح النووى.

انتهاء تعينه


محمد البرادعى كان المدير العام الرابع لوكالة الطاقه الذريه الدوليه و
مسك المنصب دا من 1 ديسمبر 1997 لحد 30 نوفمبر 2009 و انتخبو مكانه
الدبلوماسى اليابانى يوكيا امانو.

الجمعيه الوطنيه للتغيير


الجمعيه الوطنيه للتغيير
هو تجمع من مثقفين و سياسيين و ادبا و صحفيين و ممثلين مصريين هدفهم
التغير السياسى و تطور و تقدم مصر. اعضاء الجمعيه العموميه بيتكونوا من
احزاب وحركات سياسيه بيتفقوا على فكرة واحدا وهدف واحد وهو التغير السياسى
فى مصر, الجمعيه الوطنيه بتضم حركات و احزاب ليبراليه وليبراليين زى (حزب الجبهه الديموقراطيه و حزب الغد و حركة كفايه و حركة شباب 6 ابريل و محمد البرادعى
و غيرهم...) و حزب الكرامه و التجمع الناصرى. الجمعيه بتضم ليبرالين و
اشتراكيين و شيوعيين متفقين على التغير السياسى فى مصر. الجمعيه الوطنيه
بيرئسها الدكتور محمد البرادعى المدير السابق لوكالة الطاقة الذريه وكان
مرشح رئاسى محتمل لانتخابات الرئاسه المصريه 2011و لكنه تراجع. الجمعيه الوطنيه ليها فروع و ممثلين فى محافظات مصر و بره مصر كمان زى (امريكا, بريطانيا, كندا, استراليا, الكويت, قطر, السعوديه).

أحداث ثورة يناير 2011






محمد البرادعى فى المظاهرات يوم 28 يناير (جمعة الغضب)






محمد البرادعي وقت جمعة الغضب.


فى 25 يناير 2011 قامت فى مصر انتفاضه بتطالب بتنحى الرئيس حسنى مبارك
فرجع محمد البرادعى مصر طوالى من مقر اقامته فى النمسا و اتقال ان اقامته
اتحددت لكن ظهر فى الشارع بس ما انضمش للمعتصمين فى ميدان التحرير و ظهوره
بقى قليل و و رفض انه يشارك فى حوار قبل تنحى مبارك و اتوجهت له انتقادات
بإنه وصولى و انتهازى بس فى مصادر بتقول ان الشباب منعوه لانهم خايفين على
حياته.فى 19 مارس لما راح البرادعى يقول صوته فى الاقتراع على التعديلات
الدستوريه اتعرض لإعتداء بالطوب رماه عليه مناؤيين ليه و اضطر يمشى من
المكان بسرعه .فى 14 يناير 2012 اعلن انه مش حيشارك فى الانتخابات اللى قال عليها انها تمثيله و ان الفترة الانتقاليه مش واضحة ولا منظمة و ان مش حيبقى فيه انتخابات فى جو ديموقراطى تحت حكم المجلس العسكرى. اتعلن انه حيشارك فى تأسيس حزب سياسى مع مجموعة من المثقفين و نشطاء من كل التيارات السياسيه و انه حيبقى وكيل المؤسسين للحزب و ان الحزب هدفه يحقق اهداف ثورة 25 يناير.

مسودة البرادعى


فى نص يونيه 2011 خرجت مسودة البرادعى اللى بيسميها الوثيقه الحقوقيه.
فى المسوده دى أكد البرادعى على الماده التانيه من الدستور بإن : " الاسلام
دين الدولة، واللغة العربية لغتها الرسمية، ومبادئ الشريعة الإسلامية
المصدر الرئيسى للتشريع " ، و بكده بالمسوده دى ما اختلفش كتير عن المنظمات
و الأحزاب الدينيه اللى بتطالب بنفس النقط.