رواية القادم من المجهول

في يوم الاربعاء الساعة خمسة العصر في طريق السفر
جمال ماشي بسيارته الي مصقعة من كل جمب
جمال شاب عمره 18 سنة راجع من الرياض بعد ما زار اهل أبوه وجده في الإجازة الي مدتها أسبوع
راح مع أهله بس أهله سبقوه وهو قعد شوي يخلص كم شغلة وكان المفروض عمه يرجع معاه بس
ما قدر وتعب
وجمال اصر انو يقدر يرجع لوحده و أصّر على عمه انو ما يقول لاحد حتى لا يقلقو الأهل
كان ماشي وفي يده كاسة كوفي من المحطة الي وقف عليها من شوية وصلى المغرب فيها دق جواله
جمال : هلا بالغالي هلا والله
ابو جمال : هلا والله بالي أغلى فين عمك ؟ اعطيني اكلمو
جمال ارتبك:لا هو نايم
ابو جمال :وتاركك تسوق وانت لساعك مبتدأ و لوحدك كمان لو حاست السيارة
جمال "والله منت داري انو اساسا مو موجود":لا حرام توه غمض عينه من امس سهران وتعبان
ابو جمال:ولو ,احنا معتمدين عليه وهو يتركك كذا وبعدين ليش يسهر
جمال :اولا انا مو طفل وما يحتاج كل هذا الخوف وثانيا حرام امس كان سهران معايا ..قصدي
يخلص شغلي كان يفحص السيارة حتى لا يكون فيها عطل و اصر حتى يتطمن
ابو جمال :طيب خير خذ أمك طفشتني تبغى تكلمك اقولها راح يخلص رصيدي بس هي مصرة
ام جمال : اقول هات الجوال ....هلا حبيبي ايش مسوي
جمال : هلا بالغالية انا تمام طال ما انت تمام انتو ايش اخباركم
ام جمال :تمام الحمد لله
شاف جمال منظر خلاه يسكت منظر فظيع جنب بسرعة ونزل
جمال : طيب يالغالية بروح ,اكلمك بعدين
ام جمال : خير
جمال : ولا شي بس ...قدامي لفات وانت عارفة انا مبتدا ولازم اركز(عارف اني راح اندم على
هادي الكلمة بس يالله) مع السلامة
ام جمال : ايوة الله يخليك انتبه وصحي عمك اذا شي
جمال بتوتر : ما يحتاج يالله مع السلامة
ام جمال : الله يحفظك مع السلامة
جري جمال للسيارة المقلوبة شافها مكسرة مرة بس شاف فيها ركاب حاول يرفز الباب حق السايق
و فتح الباب
وطلع السايق وسحبه وسدحه على الارض شاف نبضه لقاه .......ميت
جري على الشخص الي جمب السايق لقاها حرمة سحبها ولقاها ميتة كمان والدم كان في كل مكان
وهو كان مفجوع و خايف
اول مرة يشوف كمية الدم هادي في حياته انتبه انو في شخص في المقعد الي في الخلف حاول يكسر
الباب كان مطعوج و مو راضي ينفتح و رغم خوفه من الدم بس اصر انو ينقذ الشخص الي جوة
رفز الباب بقوة و اول ما فتح الباب نط عليه شي بس وخر عنو
كان ثعبان
جمال : شكلو سبب الحادث
هجم الثعبان عليه و بعد عنو جمال و خلع الصندل ورماه على الثعبان
لف الثعبان و راح على الجهة الثانية جري للسيارة لقى الشخص الي جوة طفلة صغيرة شالها
وطلعها من السيارة
و سدحها على الارض جمب السيارة شاف نبضها لقاها حية حمد ربه بس لاحظ انها ما تتنفس تذكر
التنفس الصناعي نفخ في فمها وضغط على صدرها ثلاث مرات بس ما في نفس البنت وجهها صار لونه
ازرق رجع
رفع راسها ونفخ في فمها على امل يعطي هادي الطفلة نفس لتحيا به ضغط على صدرها بس حس
هادي المرة انها قامت تتنفس
فرح من قلبه انها عايشة شاف سوارة في يدها لفتت نظره كانت وردية وناعمة بس شاف يدها في
شي غريب ما كان متأكد رفع الكوم شاف يدها فيها أثر عضة
تذكر الثعبان الي طلع من السيارة مو عارف ايش
المفروض يسوي
سمع انو لو مص السم راح يزيد انتشار السم في في أنسجة العضلات (وهاذي حقيقة مثبتة )
قال احبس السم لين يجي الاسعاف وما لقى غير كم الثوب الي لابسه وربط فيه ذراعها من فوق
حتى لا ينتشر
السم و جلس ينتظر الاسعاف وما باليد حيلة وكان يتأكد من نسمها ونبضها كل شوية
وصل الاسعاف و كان جمال مغطى بالدم شالوهم على المستشفى وطلبو جمال للتحقيق و لحقهم
بسيارتو وصلو المستشفى
طبعا الرجال والحرمة كانو ميتين بس اخدو البنت الصغيرة لغرفة العمليات جلس جمال على كرسي
الانتظار
وجا الضابط وحقق معاه وخلص الاجرءات اللازمة وصار يقدر يرجع البيت وطبعا شكروه على
شجاعته و انقاذه للطفلة
شاف على ارض المستشفى الاسورة الي كانت البنت لابستها اخذها حتى يعطيها للبنت لما تصحى
بس من داعي الفضول ما
رجع البيت جلس ينتظر البنت ليما يتطمن عليها وطبعا اتصالات أهله ما خلصت بس
قالهم انو وقف
على محطة وبيصلح السيارة حتى لا يقلقو انتظر ..وانتظر حتى طلعوها وقالو انها عاشت و راح
سأل عنها وعن حالتها وبعدين سأل عن اسمها
اسمها : رهف عبد الله ال.......
حالتها مستقرة وقدرو يعالجو جراحها و قدرو يسيطرو على السم والحمد لله السم ما كان فتاك
طلع من المستشفى بيرجع على البيت لانو أهله كسرو الجوال من الاتصالات
اتصل على ابوه حتى لا يتفاجؤ بيه لانو الدم يغطيه وثوبه مشقوق ومغبر وحالتو حاله
جمال :الو
ابو جمال :هلا خير ايش صار مع السيارة بعدين مو تقول امس عمك فحصها
قاطعو جمال :انا ...انا ابغاك تسمعني
ابو جمال بقلق :خير
جمال :اول شي انا جيت لوحدي عمي تعبان وقلت لو اني اقدر اجي لوحدي وبعدين السيارة ما
خربت ولا شي
انا على الطريق كانت في سيارة مقلوبة نزلت وساعدت الي كانو فيها بس الرجال والحرمة كانو
ميتين بس لحقت
على بنتهم الصغيرة وانا توي خرجت من المستشفى و حققو معايا وانا في الطريق للبيت وانا
مغطى بالدم وحالتي
حاله و انا تعــــبــــــــــان وما في على موالات امي يالله انا جمب البيت دقيقة واكون عندك
ابو جمال :خير يالله مع السلامة
وقفل اول ما دخل جمال البيت شاف عيون الكل المترقبة و شاف عيون امه الغرقانة دموع
جمال:الله يخليكم تراني تعبان وتر هذا الدم مو دمي ...وراح باس راس امه
جمال:لا تشيلي هم تراني بخير بروح اتروش واريح شوية و امسحي هادي الدموع تر ما لها لازمة
وهو طالع على غرفته شافته اخته جود وراحت تجري تضمه وتبكي :جمول اتعورت ليش هذا الدم
جمال: حبيبتي لا تخافي انا ما فيني شي ولا تعورت
لجين : اجل هذا ايش
جمال: في واحد تعور وانا ساعته واتوسخت عادي وبلاش بكى مو قلنا نكبر شوي
ابتسمت جود :ما كنت ابكي انت غبرتني و دخل في عيوني التراب
ضحك جمال على تعليق اخته الصغيرة وطلع على غرفته تروش ونام
************************************************** *******************************************
صحي الصباح على المنبه نزل وصلى في المسجد الي جمب البيت ورجع لقى الكل مجتمعين على
الفطور جلس
الكل كان ساكت لين اخترق هذا الهدوء صوت جِنان النعسان : صباح الخير
و جريت نطت على جمال.
جِنان:جموووووووول يالدب متى رجعت ؟
ضحك جمال على خبال اخته رغم انو كانت نفسه مسدودة من المناظر الي شافها امس بس خبال
اختو نساه
شالها وجلسها على رجوله.
جمال:طيب يالنحيفة اقول انت من امس نايمة ؟انا من امس في البيت
جِنان عمرها 10 سنوات دمها خفيف وتموت في جمال وهو دايما يدلعها
ابوجمال :ما تبغى تقولنا امس ايش صار معاك
جمال :آآآآآآآآ ..... من فين ابدا
جِنان:من الاول
جمال :ههههههه انت اصلا فاهمة شي
جِنان ببرائة :ايوة لما تركناك عند جدي
جمال :خلاص ان شاء الله اي طلبات تانية
جِنان:لا يكفي
جمال : لا والله.....وقام ينغزها في جمبها وهي ميتة ضحك
ام جمال :خلاص موّت البنت حرام عليك
جِنان وهي تضحك : ايوة دحين اشرب موية تطلع من جنوبي صرت مصفاية
الكل :هههههههههههههه
ام جمال:الا عمك ايش فيه؟ ..تعبان ؟
جمال : لا بس تعب شوية قبل السفر وانا خفت يتعب في الطريق ويزيد فقلتله اني اقدر ارجع
لوحدي ورغم
اصراره علي بس رجعت لوحدي وفي الطريق وانا اكلمكم شفت سيارة مقلوبة ومكسرة وحالتهاحاله
ام جمال :عشان كذا قفلت لما كنت اكلمك كنت عارفة انو في شي
جمال : ايوة انا لما شفت .........جِنان حبيبتي روحي جيبي دفترك ما شفته ابغى اشوف خطك
جِنان: طيب بس لا تحسدني
جمال : ههههه يالله طيب روحي
و استناها لين راحت وكمل
جمال : ما ابغاها تسمع بعدين تخاف
المهم اول ما وصلت جمب السيارة كان في بركة دم رحت لجهة السايق و الباب مكسر رفزته لين
فتحته سحبت الرجال بس لقيته ميت رحت للي جمبه كانت حرمة سحبتها لقيتها ميته كمان
بس لمحت شي في المقعد الي ورى
قاطعته جِنان: جموووووووووول شوف دفتري شوف الالوان حلوة
جمال : مرة حلوة
الكل متحمس صرخو في جِنان:روحي جيبي الشنطة بسرعة
جِنان:ليش
الكل :بسرعة
جمال:هههههه متحمسين .....جينا حبيبتي جيبي باقي الدفاتر بشوفها وجيبي الاملاء ابي اشوفو طيب
جِنان: طيب
جمال :الا فين جولي من امس ما شفتها
( لجين جمال يدلعها جولي اصغر من جِنان بسنة وهي دلوعة البيت )
الكل :نايمة .. كمل
جمال :طيب طيب المهم لمحت شي في المقعد الي ورى رحت احاول افتح الباب بس كان مكسر
مرة و مو راضي ينفتح
ابو جمال : ليش ما تسحبهم من الشباك
جمال كان مكسر ومسنن خفت ينجرحو و هم كانو ينزفو وما ابغى ازيدهم بعدين انا كنت
مربوش المهم رفزت الباب لين انفتح بس اول ما فتح نط علي ......
قاطعتهم جِنان:ها ايش رايك
جمال :شطورة كل درجاتك كاملة
ابو جمال :كمل
جمال :بس
ابو جمال :كمل
جمال:طيب ....جِنان روحي لغرفتك وخلصي واجباتك يالله مو خلصتي فطور
جِنان:لا ما اكلت شي جيعانة
جمال :خذي هذا السندوتش انا مسويلك هو يالله روحي
اخذتو وراحت مبسوطة
ابو جمال :كان كملت تراها تخوف بلد مو تخاف
جمال : ههههههه لا بس حرام تخاف لساعها طفلة وما تفهم
المهم ...........
وكمل القصة
ام جمال :يا حرام من جد تحزن البنت كم عمرها
جمال :ما ادري بس هي تقريبا بعمر جِنان
جود:يا حرام الله يعينها
ابو جمال :وفين راح يودوها بعد ما ماتو أمها وأبوها
جمال :ما ادري بس اكيد لقرايبها او احد وصي عليها
ابو جمال : الله يعينها
طلع جمال غرفتو لقى الاسورة نسي انها معاه وما رجعها للبنت يمكن تكون الذكرى الوحيدة من
امها وابوها
طلع وراح المستشفى سأل عنها قالو له انها طلعت جا واحد من اقاربها واخذها معاه
رجع البيت واحتفظ بالسوارة عندو
************************************************** **********************************************
&&&&&&&وبعد 7 سنوات &&&&&&&&&
ابو جمال اتوفى وصار جمال هو المسؤول عن اخواته وامه ودخل الجامعة واتخصص في الهندسة
وصار جمال يشتغل في شركة ابوه الي يديرها عمه طبعا جمال اسم على مسمى كان اسمر وكان
وسيـــــــم وعيونو وساع ومسوي سكسوكة بس تجنن عليه وشعرو ناعم
بس شعره مو مرة طويل لانو ما يحب يطوله واكتافو عريضة وطويل
اما جِنان كبرت و صارت حلوة شعرها يوصل لين ظهرها بني وناعم وقاصتو
شلال عيونهاالعسلية مرسومة رسم نحيفة وطويلة سمرا شوي بس سمارها حلو و لايق عليها
و خشمها صغير و رقبتها طويلة شوي
اما لجين بيضا ومليانه شوية وخدودها تحمر لما تبكي ولا تزعل وعندها غمازتين
في خدودها وهي هادئة شوية بالنسبة لجِنان وناعمةوشفايفها صغيرة وحمرا كأنها فراولة وشعرها
طويل وناعم لين ظهرهاوأطول من جِنان ومهي قاصتو بس غرة من قدام زايدة نعومتها
و جود كبرت وتزوجت ولد عمتها عبد الله (جودأصغر من جمال بسنتين)جود متوسطة الطول
حلوة وسمرة شوية بس ناعمة مرة وراسية(رزة )شعرها يوصل لين بداية كتوفها و عيونها وساع
ومكحلة خلقة وصار عندها بنت اسمها ريناد عمرها 5 سنين و ولد اسمه رامي وعمره سنتين ساكنة
في القصيم لأن عبد الله يشتغل في القصيم
************************************************** ***************************************
في سيارة جمال جِنان وامها توهم رجعو من الفرح الساعة 2 ونص الليل
جِنان :والله ياماما الفرح كان مرة حلو والعروسة طلعت حلوة لو مو التسريحة ما ادري احسها
عادية مو تسريحة عروسة
ولا المكياج بصراحة مرة حلو انا ما عرفتها ما اتوقعت تطلع كدا
جمال :قولي ما شاء الله لا تموتي البنت بعيونك
جِنان :ما شاء الله بعدين عيني باردة مو لدرجة تموتها
الكل :ههههههههههههه
ودخلو البيت طبعا كانت لجين في الاستقبال
لجين :هلا والله ها انبسطتو ؟
جينا :مرة فاتك العروسة طلعت زي القمر بس ما زبطولها التسريحة بس فستانها شي باين
انو مكلف
لجين :يعني تغيظوني لاني ما رحت طيب تاني مرة باترك الاختبار وابو الاختبار كمان واروح
معاكم
جمال :لا جولي ازعل منك هذا مستقبلك
لجين :بس شوفهم يروحو وينبسطو وانا قاعدة اذاكر طيب بكرة جمعه يمديني اذاكر بس امي الي اصرت
جمال :عندك اختبارين وما تقدري تذاكريها في واحد يوم حتى لو اختبارات شهرية لكنها مهمة ولك
علي لأطلعك احلى طلعة لو خلصتي اختبارات خلاص
لجين :من جد تسلم جمول
جمال:اقول دوري اسم دلع تاني صراحة احس اني جمل وبتدلعيه
الكل:ههههههههههه
لجين:طيب يا ميمو ممكن تجبلي بارد
جمال:من فين الدنيا ليل وما في بقالة فاتحة
لجين:الا السوبر ماركت 24 ساعة فاتح .....الله يخليك
جِنان:ايوة والله انا كمان ابغى
جمال :خلاص طيب بروح و امري لله
راح للسوبر ماركت وهو خارج كانه لمح شي بس مشي وهو رايح للسيارة اتفاجأ بشي يمسك في
ذراعه ويتخبى وراه لف شاف وحده ماسكه ذراعه
جمال في نفسه :ايش الوقاحة هادي ماسكة في يدي تقول ابوها ولا اخوها انا
شوية شاف شخص كان يركض وراها "شفتها مسكت فيني اكثر همست: الله يخليك ...الله يخليك
فكني منو يستر عرضك الله يخليك
جا الولد وقال: لو سمحت وخر عن اختي أحسن لك....يا حيوانة تعالي هنا
جمال :ياخي انا مالي بينكم انتو اخوان و اتفاهمو وسحب يده وجات تبغى تمسكها تاني بس الولد
كان اسرع منها
وسحبها من يدها :قدامي يا حيوانة انا أربيك
بس استغربت لشي واحد انو لما سحبها مني ابتسم ابتسامة خبيثة قلت لا يتهيأ لي
شوية سمعتها تبكي وتقول :لاااااااااااااااا الله يخليك رجعني البيت وانا ما راح اقول لخالتي
الله يخليك حرام عليك
وجلست تترجى فيه بس هو كانه ما يسمعها :آآآه يا ماما لو عايشة كان ما صار في هذا........
آآآآآه ه يا بابا لو انت عايش كان انا بحمايتك الحين
%%%%%%%%%الجزء الثاني%%%%%%%%%%

وجلست تترجى فيه بس هو كانه ما يسمعها :آآآه يا ماما لو عايشة كان ما صار في هذا........
آآآآآه ه يا بابا لو انت عايش كان انا بحمايتك الحين
اهئ اهئ ووسط شهقاتها وبكائها سمعت شي خلاني ارمي الي بيدي والتفت ليها قالت:آآآآآآآه
جمـــــــــاااااال لو انت موجود ........و صارت تبكي مو معقول لا لا لا اكيد جمال
واحد تاني مو انا بس البنت حزنتني وقطعت قلبي مو معقولة هذا اخوها قلت خليني اتاكد يمكن البنت
صادقة ويكون هذا واحد مجرم خطفها ولا شي حرام البنت تبكي من قلب وشكلها يتيمة
بس سمعت شي اكدلي انو انا جمال المقصود سمعتها تقول :جمال فينك انقذني زي قبل 7 سنين
معقولة تكون نفسها البنت الي انقذتها من الحادث و ابوها وامها ميتين احتمال كبير تكون هي على
العموم هي مو هي انا لازم اساعدها على الاقل اتأكد رحت للولد كان بعمري تقريبا قلتلو: لو
سمحت معاك الي يثبت انها اختك
قال:لا والله اصلا تحمد ربك اني ما كسرت عظامك انت والحيوانة هاذي لا وجي تتفلسف كمان
قالت :كذاب ما معاه ولا شي لانو اصلا ولد خالتي
والمفروض انو يوصلني بس هو حقير ونذل ومتخلف...ضربها على ظهرها وقالها :انطمي يا حيوانة
اذا ابوكي ما عرف يربيك انا باربيك
سالته:مو ابوك هو ابوها
ارتبك:ايوة طبعا انت واقف للحين حل عن قدامي احسنلك
قلتلو بثبات:معاك الي يثبت انك اخوها
قال :لو مو معايا
قلت :عادي نتصل بالشرطة وهم يشوفو شغلهم معاك
زاد ارتباكه تاكدت انو مو اخوها قال :اقول انا قاعد اربي اختي واعلمها الادب وما سويت شي غلط
جمال:ليش خايف
رهف:كداب والله مو اخوي انا بنت عبد الله ال... شوف بطاقته كداب
ضربها عماد :يا حيوانة وصلت فيك انك تتبرئي من ابوك كله عشان الحيوان هذاك
جمال سحب بطاقته كانت بارزة من جيبه الي فوق شاف الاسم غير
سحبها منه عماد وقال:بأي حق تاخذ بطاقتي اقول توكل دام النفس عليك طيبة
وفجاة جمال وقف شوية تذكر الاسم الي قالته
يعني انا هو جمال المقصود هي هادي الطفلة الي قبل 7 سنوات معقول ايش الصدفة هادي
نفس اسم الطفلة
جمال:اسمك رهف؟
رهف مصدومة كيف عرف اسمها حركت راسها بايوة
عماد شدهاوقال:ها يالحيوانة كم واحد تعرفي وانت يالاخ حل من قدامي لاقوم اكسر عظامك بسرعة
مسكه جمال من بلوزته ورفعه :تراني سكتلك زاد حالك (جمال متأكد انه مو اخوها لانها يتيمة
وامها وابوها توفو في الحادث يعني مستحيل يكون عندها اخوان )
دفه عماد ووقف وعدل بلوزته وشوي واعطى جمال بكس
جمال اتعور بس رجع وقف و جمع قبضته وفي وجه عماد وما اعطاه فرصة الا والثاني في بطنه
و طاح في عماد ضرب لين قال آمين وقام وسحب رهف من يدها وقالها تعالي بسرعة وهي مفجوعة
من الي يصير سحبت يدها و وقفت
لف جمال عليها وقالها:اركبي السيارة بسرعة
شاف الدموع في عينها انتبه من الي سواه قالها:رهف انا جمال جمال الي من7 سنين وطلع
الاسورة واعطاها ليها
رهف ما صدقت "معقولة هذا جمال ايش الصدفة هادي حتى ولو ليش اثق فيه" بس قاطع افكارها جمال
جمال:اعرف صعب تثقين فيني بس ارجوك انا ابغى اساعدك و اوعدك اني راح اوصلك بيت اهلك
بس بسرعة قبل لا يفوق هذاك بسرعة اركبي
ركبت رهف معاه ما تعرف ليه ارتاحتلو بس مع الربشة ركبت قدام جمبو>>خخخخخخ فشلة
ومع العجلة ما انتبه وعشق على طول وشوي ولف ولقاها جمبو
قالت و وجهها صار الوان :ممكن تجنب عشان ارجع ورى آسفة بس مع العجلة
قاتطعها :لا عادي مقدّر
وجنّب ونزلت وركبت ورى
جمال: فين بيتك عشان اوصلك
رهف :ما يحتاج نزلني هنا و مشكور ما قصرت
جمال :كيف اسيبك في هذا الليل لوحدك في الشارع خليني اوصلك
رهف:لا ما يحتاج نزلني
جمال:يا بنت الحلال خليني أوصلك بيت أهلك فين أنزلك
رهف وهي تبكي :بس ....بس....انا ما ادري فين اروح انت عارف انو ماما وبابا ماتو
جمال :عند مين كنت ساكنة
رهف:كنت عايشة عند خالتي بس مستحيل ارجع لانو عماد اكيد بينتظرني هناك ويمكن يقول
لخالتي اي شي ويكذب علي ...و....وصارت تبكي
قصدك الي كان يلحقك
رهف حركت راسها بايوة
جمال في نفسه (الحيوان النذل بدال ما يحميها طلع حراميها )
جمال: طيب ما عندك خالة تانية او عمة او اي احد
رهف : عمتي عايشة في الرياض
وخالتي الوحيدة هي ام عماد وعمي واحد توفى والثاني يدرس بالخارج انا ما عندي احد
جمال :لاحول ولا قوة الا بالله طيب والحل مستحيل تقعدي بالشارع بنص الليل
تردد بس بعدين قال: تجي بيتنا
فتحت عيونها على وسعها
جمال:لا تفهميني غلط انا ابات برة البيت اليوم وابوي متوفي وما في في البيت غير امي واخواتي
رهف:لا مشكور نزلني خلاص انا ادبر نفسي
جمال:رهف لا تخافي والله اني ابغى اساعدك و عشان تطمني بخلي امي واخواتي ينتظروك عند
باب البيت
رهف :ما ادري لا ما اقدر خلاص نزلني
جمال :يا بنت الحلال انا مقدر الي انت فيه خصوصا انو من شوية ولد خالتك كان يلحقك وانا
عارف انو حالتك النفسية ما تسمح بس ابغاك تثقي فيني ها ايش قلتي
رهف :ما ادري ...ما ادري ..
جمال:خلاص اهدي بكلم امي وبخليها تطلع مع اخواتي عند الباب حتى ترتاحي
وطلع جواله ودق على امه جمال:السلام عليكم....... هلايالغالية..اسمعي ابغاك تنزلي عند
الباب وتنتظرني تحت طيب .....تتذكري رهف الي من7 سنوات..صارت قصة طويلة عريضة
والحين هي معاي في السيارة واحنا في الطريق والبنت خايفة المهم وصلنايالله انتظرك مع السلامة
وقفل ولما طلت رهف من الشباك لقت فيلا كبيرة و حوليها زرع و فخمة دخل جمال السيارة من
الباب الخارجي حق الفيلا التفتت رهف شافت ام جمال واقفه ومعاها وحده واقفه نزلت من السيارة
وقفت ورى على أساس جمال يفهمهم الموضوع حتى لا يفهموه غلط
نزل جمال وراح عند امو وباس راسها وكلمها شوية واشرتلي امه اني اقرب جيت وانا خجلانة
وميتة خجل وجمال ركب سيارته ومشي وانا واقفه مو عارفه ايش اقول بس تكلمت البنت الي واقفه
جمبي :هلا حبيبتي اتفضلي خذي راحتك البيت بيتك
دخلت وانا مرتبكة انا عشت عند عمتي وخالتي وكلهم حالهم على قدهم يعني
عايشين في عماير او بيوت شعبية يعني ما عمري دخلت فيلا ولا شفت فيلا الا بالتلفيزون
ام جمال :جِنان بتدلك على غرفتك خذي راحتك واذا تبغي العشى قولي للخدامة توصلك هو لين
غرفتك
رهف :تسلمي والله ما قصرتي من جد خجلتوني واسفة على الازعاج
ام جمال:لا عادي اصلا انتي زي بنتي واذا احتجتي اي شي اطلبي ولا تخجلي
مشيت رهف مع جِنان و وصلتها لغرفتها
سالتها جِنان :هادي غرفتك تبغي شي
رهف وعيونها بالارض: تسلمي
جِنان:تبغي بيجامة لأني بصراحة ما ارتاح أنام بفستان السهرة
رهف:لا عادي شكرا
لجين :لا تعالي اعطيك من عندي عادي
اعطتها البيجامة وكانت على قياسها لانو جِنان تقريبا نفس جسم رهف حتى شعرهم نفس الطول
والقصة يعني زي بعض من ورى اعطها البيجامة وهي بتموت وتعرف القصة ما قدرت تصبر
اتصلت على جمال
جمال :الو خير
جِنان:نمت
جمال :ايوة
جِنان :اسفة صحيتك الا انت فين نمت
جمال:دبرت نفسي المهم ابغى انام مو كافي الصجة الي هنا
جِنان :اي صجة انت فين
جمال :موشغلك الساعة قربت 4 وانا ما نمت و وراي قومة من الصبح
جِنان:احسن عشان تقوم تصلي الفجر جماعة بعدين انا بموت واعرف قصة البنت الي جبتها
خويتك ها والله منت هين يا جمال و انا اقول اخوي مؤدب.. طلعت من جمبها
جمال :لا والله جينا والله مو فايق لك اقول حلي عني لا اجي اطلع حرتي كلها فيكي
جِنان :امزح معاك اشفيك معصب
جمال:والله مو فايق مو يكفي انك مصحيتني بنص الليل تقوليلي ابغى اعرف القصة خلاص خليني
انام هالساعتين وبكرة افهمك كل القصة ... طيب
جِنان :اوكي اسفة على الازعاج باي
وقفلت ويوم جا الصبح جلسو كلهم على الفطور
ام جمال:اقول جِنان فين اخوك ما جا الين دحين
جِنان :ما ادري بس اكيد دحين يجي ماراح يطول
ام جمال:مريتي على البنت شفتي محتاجة شي
جِنان:ايوة مريتها وقلتلها تجي تفطر بس هي اصرت انها تفطر في غرفتها شكلها حبوبة وطيبة
ماما ايش قصتها
ام جمال:هههههههه اتذكرت اخوك يوم يصرفك كل شوية وهو يحكي قصتها يقول بعدين تخافي
جِنان :متى ما اتذكر
ام جمال:طبعا كان عمرك 10 سنوات البنت هادي لها قصة قديمة اما قصة امس انا ما
اعرف التفاصيل بالضبط بس يجي جمال ......
قاطعهم دخول جمال
جمال:السلام عليكم......احم احم يا ولد
لجين:ههههههه تعال ما في احد
جا جمال وباس راس امه وجلس
ام جمال:وعليكم السلام ورحمة الله وبركاته هلا والله فينك يا ولدي من امس ما شفتك
جمال :انا رحت انام عند واحد من الربع قلت عشان البنت تاخذ راحتها
جِنان :اهااااااا يا خبر اليوم بفلوس بكرة ببلاش امس اسالك تقول مو شغلك واليوم
طالعها جمال بنظرة جدية وانو مو فايق لها فسكتت
ام جمال :قلي اش قصة البنت هاذي تراني سكت امس ولا وحدة غيري يجيها ولدها معاه وحدة بنص
الليل ويقولها هاذي البنت الي انقذتها قبل 7 سنوات عارف ايش كان سوت
كان طردته هو والي معاه بس انا متفهمة و واثقة فيك وعارفة انك لا يمكن تسوي شي غلط
جِنان :الا انت جبتها من عرس
جمال استغرب من سؤال اخته :كيف
جِنان:اقول انت جبتها من عرس لانها لابسة فستان سهرة
جمال:ما ادري وانت اش دراك
جِنان:شفتها امس
دخلت لجين :السلام عليكم .....وراحت باست راس امها وجلست
الكل :وعليكم السلام
لجين :ايوة اش قصة البنت الي امس
جمال:الناس تقول صباح الخير
لجين:متحمسة يالله ولا تزعل صــــباح الخـــــير
جمال:يالله اسمعو هالرواية
وحكالهم القصة من سبع سنين لين امس
جِنان: حرام من جد تحزن وانت كيف تحملت مناظر الدم و الجثث وكيف ضربت الثعبان منجد
قلبك قوي لو انا مكانك بموت من الخوف
جمال: ههههههه عشان كدا ما خليتك تسمعي القصة قبل 7 سنين
لجين كانت مسرحة
جمال: جولي اشفيك لايكون انت خفتي كمان
انتبهت لجين وقالت: ها لا ولاشي بس من جد حالتها تقطع القلب

اما عن رهف تبغو تعرفو حالها هذا حالها :
يالله اش الاحراج هذا انا غبية لو نمت بالفستان ليه أخذت البيجامه فشلة لا لا لا عادي يالله صار الي
صار جيعانة وميتة جوع ومن امس ما اكلت شي وتدخل علي الخدامة بصينية الفطور قلت يا
ليتني تمنيت الجنة حطتها وطلعت وقعدت افكر بالي صار امس(عماد كان المفروض
يوصل رهف لفرح صديقتها ولأن خالتها تعبانه ما قدرت تروح معها وخلت عماد يوصلها لوحده
وطبعا كانت واثقة فيه بس في الرجعه عماد غير طريق البيت ورهف طبعا سالته قالها قفلو الطريق
وفي اعمال طرق بس رهف فهمت نيته و نزلت من السيارة
او رمت نفسها من السيارة وصارت تركض تهرب منه وعماد يحمل الكره لرهف من وهم
صغار كان يغار منها لانها من يوم جات وأمه صارت تدلعها وتحبها بعد ما كان هو دلوع أمه
الوحيد)
اكيد خالتي قلقانة علي ويمكن عماد كذب
علي ولا قالها شي عني اخذت جوالي ابغى اشوفه قلت اكيد كسرت الجوال من الاتصالات بس
اتفاجأت لما لقيت 5 مكالمات لم يرد عليها وكلها رقم غريب ولقيت رسالتين من نفس الرقم فتحت
اول رسالة لقت مكتوب فيها
***هين هين فين بتروحين مصيرك ترجعين و ما اكون عماد اذا ما طلعت الي سويتيه من عيونك
و ما راح اخلي لا ليلك ليل ولا نهارك نهار عماد *****
قفلت الرسالة وصرت ابكي قاعد يهددني و واثق كمان من نفسه فين كان مخبي هالخبث كله طول
هالسنين قلت خليني اشوف رسالته الثانية فتحتها
**** طيب طيب يعني لقيتي مكان اليوم بس اوعدك ما راح تتهني وخالتك متبرية منك الى
يوم الدين بعد ما فضحتك انك ما رحتي عرس زميلتك لكنك رحتي مع واحد وانا كشفتك طبعا
وانت شردتي معاه****
قعدت ابكي مو مصدقة الحقير كيف تجرأ يعني فين راح اروح ما اقدر اقعد هنا مدة طويلة يا ربي
اش اسوي خلاص تعبت آآآآآه فينك يا بابا لو عايش كان انا في بيتك الحين وما كان تعرضلي عماد
وغيره و لو امي عايشة كان رميت نفسي في حضنها و فضفضت لها آآآآآه أكلم خالتي لا مستحيل
******************************
***دخلت عليها شفتها تبكي بس لما انتبهة لي مسحتها بسرعه ****
سالتها: ليش تبكي
رهف: لا ما كنت ابكي
جِنان: لا والله والدموع و وجهك المنفخ رهف اعتبريني مثل اختك ورحت وضميتها و رهف
انفجرت من البكا في حضني وفضلت تبكي مدة ما تدري تبكي حرقة تبكي الم تبكي حسرة
بعدت عني رهف و قامت تمسح دموعها
جِنان بعد ما حسيتها هديت قلت:رهف
رهف: اسفة بس تعرفي انا من زمان ما فضفضت لاحد
جِنان: ههههههه ايوة صح حتى بلوزتي صارت مبلولة من دموعك
ضحكت بعد ما غطت الدموع وجهها اخيرا شفت ابتسامتها الذايبة
رفعت راسها وعيونها كلها دموع ومنتفخة من كثر البكى :ما ادري انتو فعلا احرجتوني
قاطعتها:لا تنحرجي ولا شي اصلا ما سوينا شي و ماما قالت لي أقولك تقدري تقعدي عندنا قد ما تبغي
رهف: بس صعب اصلا انا ولا اقرب لكم وكيف اعيش اكل ومرعى وقلة صنعى
لا اسفة بس انا ما احب اكون عاله على احد
جِنان: بس يا رهف ....صدقيني ما راح تكوني عاله
طيب اسمعي اذا بترجعي بيت خالتك بكيفك لكن لا تقطعينا انت فعلا زي
اختي ودخلتي قلبي مع اني ما اعرفك الا من يوم
رهف تذكرت كلام عماد لها وانه راح ينتظرها وخالتها الي ما تدري ايش قالها عنها وهل فعلا
تقدر ترجع فكرت بعمتها وزوجها السكران الي تخلت عنها عمتها خوفا عليها منه وخانتها دمعه
قالت لي :جِنان بتسمعيني
قلت لها:اجل انا ليه جاية
صارت تبكي قلتلها :هاذي الدموع مالها لزمة
جلسنا نتكلم حتى الساعة 10 الصباح قالتلي عن كل شي عن حياتها مع عمتها ومع خالتها وعن
عمها الي يدرس برة تقريبا كل شي قلت لها انا جيعانة لاني ما أكلت على الفطور و رهف صينية
الفطور حقتها ما اتمسكت و انا عارفة انو جمال طالع من الصبح وما يرجع الا الظهر فاستغليت
الفرصة وقلتلها ننزل نفطر ونزلنا تحت فتحت الثلاجة طلعت توست وجبن
شافتني رهف قالت ايش بتسوي قلت لها بسوي سندويتش جبن
رهف تطالعني باستفهام قالت لي هي بتسوي الفطور وقالت لي اروح الصالة و انتظرها قعدت
اقلب في التليفزون لين ما نادتني رحت لقيتها حاطة سفرة وعليها بان كيك وبراونيز و كيكة شكلها
يجنن و مسوية سندوتشات صغيرة كانت مرتبة مرة و اكواب القهوة مرتبة على السفرة
طالعتها: من جدك!!هذا انت مسويته
رهف: لا قاعدة اكذب عليك هههههههه
جِنان: ههههههههههههه......لا جد ما شاء الله عليك متى مداك
رهف : انا كنت اساعد خالتي بالطبخ وكانو دايما يجوها ضيوف فكنت اساعدها وصرت طباخة
جلسنا والا وتدخل علينا لجين
لجين: اها متى جابولنا طباخ ياسلام جينا يالنذلة ولا تعزميني
جِنان:اولا ما جابو طباخ هذي رهوف وثانيا مو عازمتك انت كدا ما راح تقصري لو عزمتك فضلت
جيعانة
ضحكت علينا رهف وعلى خبالنا
وبعد الفطور طلعت رهف و قالت بتروح ترتاح قلتلها تنتظرنا في غرفتي و احنا شوية وطالعين

***رهف***
اليوم جِنان شكلها عجبها طبخي هذي البنت احسها حبوبة وتدخل القلب بسرعة حسيت علاقتنا
قوية كاننا نعرف بعض من زمان طلعت غرفة جِنان وجلست على الكنبة فتحت شعري
غمضت عيني الا واحس يد تغطي عيني من كبرها حسيتها تغطي وجهي معقولة تكون جِنان بس
جِنان مسكينة شوية وتنكسر مو تغطي وجهي مين يا ترى؟؟ما سالت نفسي الا وجاني الجواب على
طول سمعت صوت خشن يقولي :انا مين؟؟.. انعقد لساني ايش اقول تسمرت في مكاني يا مامي
رجال غريب مغمض عيني و يسألني أنا مييييين
ما سال سؤاله الا جاوب نفسه :هههههههههه اكيد عرفتيني اصلا من غيري في البيت
جينــــــا عندي لك مفاجأة خليك مغمضة
يا ماما كمان يقول خليك مغمضة آآآآآآآآآآآه .....لحظة!!...جينا؟
****جمال****
كنت رايح اكلم جِنان شفت الاخت قاعدة ومسترخية وانا قاعد ادورها من الصباح ومو عارف
اي غرفة فيها رهف فما اقدر افتش حتى في البيت ما ابي اضايقها رحت لها حطيت يدي على عيونها
قلت بفاجأها بالهدية الي جبتها لها
وانا اكلمها حسيت بدموع حارة تنزل على كفي حسيت بشهقات جِنان استغربت العادة تنط علي و
خصوصا وفي مفاجاة لاااااااا لا يكون ....بحركة غبية مني لفيت وجهها لي بعد ما شلت يدي عن وجهها
و جات بعينها عينها الي تلمع من الدموع لفيت وجهي بسرعة ودرت ظهري و انا القط وجهي
قلتلها :اسف والله مو القصد بس على بالي جِنان آسف والله
وطلعت بسرعة وانا طالع شافتني جِنان
جِنان:جمال ايش تسوي هنا ما تدري .....
اعطيتها نظرة خلتها تفهم اني ادري
طالعت فيني ولفت شافتها جالسة اعطتني نظرة عتاب ودخلت تشوفها
يالله الحين البنت توها نفسيتها اتحسنت عدت لها نفس الموال بس صورتها انطبعت ببالي ما ادري
بس قد ما احاول انساها ما اقدر كانت من ورى تشبه جينا ونفس لون الشعر و القصة عشان كدا ما
عرفتها وجهها الصغير ويدي كيف غطته دموعها الحارة آآآآه يادموعها
****جِنان***
كنت رايحة غرفتي شفت جمال طالع استغربت سألته جمال ايش تسوي فهمت من نظرته انه يعرف
انها جوة وانه مسوي مصيبة يالله توها الي هديت شفتها تبكي رحت لها ضمتني سكت لاني مو عارفة
الي صار يا ربي منك يا جمال معقول تبكي عشان شافها اكيد صار شي بروح لجمال واعرف منه
اش الي صار
تركتها بعد ما هديت وما تكلمت احترمت سكوتها وقلتلها بنزل اسويلها كوب كوفي عشان تفوق شوي
وطيران عند جمال
قلتله: جمال اعترف ايش سويت للبنت صار لها ساعة تبكي
طالعني نظرة خفت ياكلني قلت:لا يكون على بالك اختك
"لاااااااااااااااااا جيت اكحلها عميتها اكيد الليلة بيكسر عظامي "
جمال :هو...أنا كان على بالي أختي بس ما طلعت الهبلة أختي
رحت عنده وحكالي القصة كلها
جِنان: هههههههههههههه لا ما الومها تبكي لو انا مكانها تعرف كان يدي مطبوعة على وجهك
جمال:وانا ايش دراني وكمان لابسة بيجامتك يعني بالله كيف اعرف...مسكينة لساعها على صدمة
امس زدتها اليوم بعدين تعالي اش تطبعي يدك حلوة هادي
جِنان: لا والله قول في الاول غلطان و معذور اما تلف وجهها وتتامل فيه اسمحلي
جمال: ما ادري انا ما حسيت بنفسي الا وعيني في عينها لفيت وجهي عنها وتركتها على طول
جِنان: ايوة بعد ما تاملت فيها الين قلت آمين
جمال: اقول جينا لا تزوديها اصلا كل الي صار بسببك
جِنان: وانا اش دخلني
جمال: اولا انا كنت احسبها انت و ثانيا انا اصلا كنت جايك عشان المفاجأة
جِنان: صح ايش المفاجـأة
جمال:" ما راح اقولك اصلا بطلت خلاص ما في مفاجأة
جِنان:لاااا جمول اهون عليك
جمال:ارحم ابو المصالح من الي من شوي تتريق ومزودتها كمان
جِنان: خلاص اسفة حقك علي
جمال: طيب بفكر........وجات طالعه ناداها:جينا
ردت:هلا
جمال:.............لا بس سويلي كوفي معاك
جِنان:ان شاء الله
جمال في نفسه"آآآآآآآآه جننتني بغيت اقول لجِنان ابغى اخطبها هههههههههههه حب من أول نظرة خخخ
بس الحين صعب ليش لا بالعكس احسن فرصة و يصير تسكن معانا في البيت بكلم امي احسن بس
اخاف ترفض خليني اكلم جِنان احسن بس بعدين ولا ماراح افتك من تعليقاتها توك شفتها وتبغى
تخطبها والله لاصير مسخرة خليني اصبر كم يوم بس آآآآآآآه ايش بيصبرني"
************************************************** *********************************************
جِنان سوت كوفي لجمال وودته له وراحت لرهف شافتها سرحانة
جِنان:الي واخد عئلك
رهف:لا والله فايقة
جِنان:ليش لأ ترى الدنيا ما تستاهل
رهف سكتت واخذت الكوفي وجلست تفكر
جِنان:هههههههه ترى جمال قالي على الي صار من جد موقف لا تحسدي عليه
رهف تذكرت الي صار وجهها صار احمر وما ردت على جِنان
جِنان: ايش كان شعورك
رهف خانتها دمعتها تذكرت عماد والي سواه وتهديده تذكرت زوج عمتها
صارت تكره الرجال تحس انهم انانين
جِنان: لا لاتبكي اسفة والله مو قصدي
رهف مسحت دموعها وقالت:لا عادي ولا يهمك بس انا متاثرة من موضوع امس
جِنان: اش قررتي تقعدي عندنا ولا بتروحين
رهف في نفسها (فين اروح يا حسرة من كثر اهلي خالة وعمة وعم ........عم هو هذا الحل )
رهف:جِنان ....انا بروح عند عمي
جِنان: براحتك
رهف: بس
جِنان:ايش؟
رهف:بس انا ما اعرف عمي فين ولا عندي رقمه هو يدرس في امريكا في كاليفورنيا هذا الي اعرفو
ممكن....
جِنان: ولا يهمك بكلم جمال من بكرة يجبلك عنوانه ورقمه واذا تبغي يكلمه كمان
رهف: ياريت تسلمي من جد انا منحرجة منكم مو عارفة كيف اشكركم
جِنان:عادي ولا سوينا شي المهم بتقعدي عندنا لين ما يستلمك عمك في يده
رهف:ههههههه جائزة
جِنان:ايوة كدا اضحكي اضكي للدنيا تضحكلك

قصه جميله

بارك الله فيك

ولاحرمنا من ابداعاتك

» رواية جريمة حب ( رواية انمي )
» نظرة الى المجهول
» الثمن المجهول
» المبنى للمعلوم و المجهول فى اللغة الانجليزية للصف الثالث الاعدادى الترم الاول
» من رئيس مصر القادم