الشخصيات
العائلة الاولى :
(ابو محمد) عبد الرحمن /من كبار الشخصيات يشتغل وهو صاحب متجر كبير بالمره
غني عمره 40 سنة وعطوف وحنون ع اولاده يحب زوجته ويعاملها كأنها بنته
ام محمد (هند):مرا حبوبه تدخل القلب حنونه ع اولادها وعلى زوجها وتخاف
عليهم ومدللة ومدلعة اولادها كثير عمرها 37 سنة وهيه ربة منزل نشيطه مره
نجي لمحمد (الولد هذا يعجز اللسان عن وصفه رومانسي جداً جداً طول الوقت
مبقق عيونه في هالروايات محمد شاب وسيم كثير كثير من البنات ينجذبون له
ماندري من البنت الي بتكون من حظه راح تتعرفون عليها من ضمن الشخصيات محمد
له دور كبير في الروايه ولاننسى ان عمره 22 سنة وبالمرهCC0000
ريم: بنت دلوعة وحبوبه تحب ان تكون اميره كل يوم لبس جديد تحب الكشخه شعرها
بني فاتح وعيونها عسليه وبشرتها لاهو بيضا ولاسمرا متوسطه تحب شي اسمه
اكسسوارات ومكياج واشغال البنات رومانسيه حدها واهيه من كان عمرها 5 سنوات
واهيه مع اشغال البنات عمرها 18 سنةفي ثاني ثانوي
نواف: هذا الولد طالع طفرة عكس اخوته عنيف وماينبلع غفيف بالمره طول الوقت
فاتح هالبلاستيشن آكشن وافلام قتل ومقاتل وضرب ومضارب ومسدسات وحاله دوم
عنف في عنف ويطبق الي يشوفه في خواته واخوته
ميساء: هذي البنت اخذت الدلع كله من ابوها دلوعة بشكل غير طبيعي حتى اخوتها
الي اكبر منها يغارون منها بالمره دلوعة في كل حركاتها في كلامها بس عقلها
متفتح وكبير في فترة المراهقه دايما البنات يكونون كذا ومحد مفلس ابوها
الا اهيه تفكر ابوها جالس على بنك وهذي البنت دايما تكتب روايات وقصص
رومانسيه ودايما تفكر في فارس احلامها وكيف بيكون شكله وفكره ؟؟!! عمرها 15
سنة ^_^
آخر الدلوعين عموري: يالبي قلبي عموري هذا قمر دلوع برئ ع برائته بالمره
حلو يدخل القلب متعلق باخته ريم كثير بس مسكين مايسلم من نواف هذا الي
بيوديه في 60 داهيه على فكره عموري عمره سنتيني ولسانه اعوذ بالله هذا
طووله
عايلة ابو وسيم
اخو ابو محمد
ابو وسيم (رجال حنون عطوف يحب البنات بس ربي مارزقه الا ببنت وحده راح
تشوفونها من ضمن الشخصيات يشتغل في شركه بالمره قويه ربي يوفقه عمره 45 سنة
ام وسيم (نسرين) هذي من اصل لبناني امها لبنانيه وابوها سعودي بس عايشه
كثير في السعوديه حكيها مقلب لبناني على سعودي بالمره حلوه وجذابه ماكأن
عمرها 37 سنة تقولين قد بنتها يالمره جميله خشمها طويل وبياض مالي بشرتها
وشعرها الذهبي وعيونها الرماديه الفاتحه وماتصدقون ان هذوول الي بذكرهم
ولادها واهيه الحين حامل في الشهر الاول
وسيم :: شاب حبوب وخلوق وكل الناس تمدح فيه ووسيم وسييم وسييم اسم على مسمى
وسيم لأبعد الحدود شاب في سن زواج بس الله يهديه يبي يتزوج بعد مايكمل
دراسته بره بتكون دراسته لمدة سنتين وبرجع عمره 23 سنة
ناصر:ولد مشاغب كل شكوة لازم يجي ابوه يعطيه محاضره فيها واهوه في الصف
ثالث ثانوي بس الله يهديه ويعينكم بتموتون من الضحك على مواقفه مع الاساتذه
في المدرسه يجننهم تجنن مع كل عمايله الا انه يحلي الجو بتصرفاته واهوه
تؤأم اخته وعمره 18 سنة
هيام :البنت الوحيده الي ربي رزق ابو وسيم وام وسيم بها ابوها وامها
يحبونها كثير ومدلعنها دلع مو طبيعي يخافون عليها من العين لأنها اخذت جمال
خالاتها وخيلانها بلبنان بنت واجد رومانسيه وهادئه اهيه في عمر ريم بنت
عمها عمرها 18 سنة الله يوفقها واهيه تفكر في فارس احلامها ياترى منو
...؟!!!
يوسف: ولد مافي اشطر منه في المدرسه بلبل في الانجليزي هيام مربيته ومعلمته
تحبه موت واهوه كمان مهتمه به كثييييييير لدرجه اذا زعل محد يراضيه ويرضى
الا لمن تكلمه عمره 8 سنوات في ثاني ابتدائي
هذي العايلتين راح تكون لهم دوركبير في الروايه ومن خلال هالروايه راح
تتعرفون على شخصيات اكبر وعوائل اكثر خلها مفاجئه ليكم وراح تستانسون واجد
معانا
يلا نبدأ بسم الله
البارت الأول
يوم من الايام انسلت الخيوط ذهبيه تعلن يوم جديد غامر بالنشاط والجمال
وكان بداية عام الدراسي
ريم بكت ماتحب شي اسمه دراسه وتعمدت تنام متأخر على شان ابوهااذا شافها نايمها لايصحيها >>>البنت مدلعة
نروح لبيت ابو وسيم
هيام عكسها نشيطه جلست من الصباح قبل الأذان انتظرت الأذان وصلت الفجر اخذت
لها شاور لبست زي المدرسه وجلست قدام لمراية تتكشخ >>البنت مهتمه
بنفسها
عملت شعرها كيرلي وحطت لهاكرستاله ع جنب وتعطرت وسمعت احد يطق الباب
يوسف جاي لها وهيام خاف من شكله
هيام : يوسف حبيبي اشفيك ؟
يوسف كلامه متقطع: تـ ـ ـعبـ ان
هيام حطت يدهاعلى جبينه درجة حرارته مرتفعه كثير جابت مقياس الحرارةدرجة حرارته 40 هيام شهقت وخافت جلست يوسف على سريرها
هيام واهيه تبكي : حبيبي لا تقوم جايه جايه
راحت ركض الى غرفة امها صارت تطق الباب بقوة
ام وسيم: شوفيكي افزعتي قلبي ياماما
هيام والدموع بعينها : ماما يووسف يوسف
ام وسيم: شبلاه ؟!!
هيام : تعبان موقادر يتنفس درجة حرارته مرتفعه
ام وسيم : طاح قلبها على ولدها ابو وسيم مو موجود يطلع للدوام مبكر ام وسيم : وينه يوسف؟!
روحي غرفة اخووك وسيم قولي له ابوك مو هنا
ويوسف تعبان
دخلت هيام بسرعه على وسيم وسيم كان يعدل شعرهـ
دخلت هيام بقوة افزعت وسيم بدخلتها
وسيم : اشبلاك هيام ليه هالدموع.؟
هيام بسرعه: وسيم يوسف تعبان وو ووبابا....
ماكملت وسيم ترك الي في ايده وراح طيران على غرفة هيام وبسرعة نقلوا يوسف قسم الطوارئ بالمره تخوف حالته نفسه بطيئ
ننتقل للمدرسة
صديقات هيام بالمره خايفين هيام النشيطة الي ماتفوت ولا يوم عن المدرس غايبه اول يوم في الدراسه شي غريب
شذى وسارة يدورون عن ريم على شان يسألونها عن هيام
ريم طول الوقت سوالف مع صديقتها نوف عن الافلام وآخرالموضه جت لها شذى وسارة وسلمو عليها
شذى: اخيرا لقيناك هنا؟؟!!
سارا :ريم وينها هيام اليوم ماداومت ؟
ريم باستغراب :شنو ماجت تمزحين انتي اكيد فيها شي اهيه ماتفوت ولا يوم ولا عاد اول يوم في الدراسه
سارة: يمــه ارعبتني اتصلي على مو بايلها شوفيها وينها فيه ترى عن جد خوفتيني بكلامك
ريم قاعده تدور على موبايلها في شنطتها الي مليانه مكياج وخراب طلعت جوالها
الي مليان اكسسوارات ضحكت نوف : حتى جوالك مايسلم منك سويتيه مثلك على
الموضه
ريم اتصلت على هيام رد عليها صوت رجال وتغيرت الوان ريم
......:مرحبا
ريم تنهدت اخذت نفس عميق : السلام
.... وعليكم السلام ياهلا
ريم:هذا موبايل هيام ؟>>تستعبط
وسيـم: ايوا موبايلها بغيتي شي؟
ريم:ممكن اكلمها؟
وسيم: ابشري
وسيم ينادي هيام التعبانه من البكي
وسيم: هيام صاحبت على الموبايل
هيام : من؟
وسيم: والله مدري
اخذت هيام الموبايل وبصوت فيه نبرة بكي كلمت ريم
هـيام: نعم !
ريم هلا هيام اشفيكِ حبيبتي صوتك متغير وليه ماجيتي المدرسه ؟>>بشويش ع البنت
هيام : معليش ريم اليوم مااقدر اجي
ريم باندهاش: ليييييييه مو من عاداتك ؟سارة وشذى عيونهم مفتوحة على الآخر
هيام شرحت لها الموضوع
ريم: امممم طيب اخليك ترتاحين
هيام :اووك سلام
ريم: سلام
سارة وشذى بصوت واحد : ريم اشفيها هيام؟!!!!!1
ريم: مافيهاشي بس اخوها يوسف تعبان
الكل :الله يقومه بالسلامه
سارة تنهدت: الحمد لله مافيها شي
البارت الثاني
في المكتب
محمد بعصبيه: اف اش هالقرف تعب تعب تعب اش هالشغل الي يالم الراس ويدوخه
اترك هالاشياء الي مانها فايده يعني الملفات واقرأ لي من هالروايت الي تريح
البال
حسين :يالحبيب اترك عنك هالروايت بعدين اذا مارتبتهم بتطيح المصيبه براسي
محمد بدلع: حسوون
حسين: اوو النبره فيها طلب الله يستر
محمد : حسون قلبي حياتي انت
حسين :اوه اوه اشفيك صاير تغازل هالايام
محمد:لا تغير الموضع ممكن ترتب الملفات تكفى والله راح اعزمك على غدا يفتح النفس
حسين: خلي غذاك ينفعك وابعد عني ترى عندي شغل قد شعر راسي
محمد: تكفى
حسين :انشاء الله برتبهم
محمد : ياعسى ربي يهنيك وينشطك ويعرسك....الخ
حسين: واو كل ذا على شان بارت بلك كم ملف
محمد : تأبرني انتَ
حسين : متأثر بباب الحاره
محمد وحسين:هههههههههههههههههههههههههههههههههههههههههههه هههههههههه
ناصر الي مايدري وين الله حاطه الي كل يوم لازم يزور الاداره يبصم او يوقع على تعهد على مخالفاته في المدرسه
ناصر:احمدووه ياكـ لـ..... ناظرني ويأشرعلى نفسه
احمد ناظر فيه احمد نظره ضعيف بالمره وحالته المديه ماتسمح انه يروح المستشفى وياخذ له مقاس للنظر او يعمل نظارات
ناصر رفع صبعه: احمدوو هذا كم
احمد صد عنه دايما يتطنز عليه
بعدها ناصر ومشعل وخالد وياسر اتفقوا انهم بعد حصة الفيزياء راح يسوون جريمه
بعد حصة الفيزياء
ناصر عمل خطه قبل لاينفذ كل شي وكل امر الحراسه ل خالد وياسر واهوهن ومشعل
يسوون باقي الجريمه تنفذت الخطه تسلق ناصر ومشعل جدار المدرسه حتى صاروا
خارج المدرسه بسرعه انتقلوا لغرفة استاذهم الرياضيات جميع الطلاب يكرهوونه
اخذوا الصبغ وصاروا يمارسون هواية الرسم فوق السيارة مافي مكان سلم من فنهم
هههههههههههههههههههههههه
بعد مانتهوا من المهمه تسلقوا جدار المدرسه ودخلوا داخل المدرسه على شان لاينكشف امرهم
واهم يتمشون في ممرات المدرسه لمحهم المرشد
المرشد :ناصر اشفيك رايق ؟
ناصر:غير الموضوع استاذ تصدق اموت فيك احبك كثير
المرشد صدق حاله ان في احد يحبه وصلت ابتاسامته لاذنه : بجد اذا كنت تحبني اطبع لي بوسه على خدي
ناصر: بالله عليك منو انتً على شان ابوسك احترم حالك احنا طلاب ناوي تسوي فلم هندي
خالد وياسر ومشعل ماقدروا يكتمون ضحكهم :هههههههههههههههههههههههههه
المرشد انحرج وراح
نروح المستشفى
هيام الي مقطعة القلب من البكي واخيراً فتح يوسف عينه وابتسم طبعت هيام
بوسه خفيفه على خده وكان احسن من الاول بكثير قال لهيام :هيام انا خايف
كثير من المدرسه
هيام :ليه حبيبي ؟
يوسف : مدري بس بس خايف معلم الرياضيات هذي السنة بالمره عصبي دايماً يعصب ويضرب الطلاب
هيام: بس اهوه مايعصب على الشطار مثلك صح؟
يوسف تطمن: ايوا صح
المكتب
كان الجو هادي محمد مشغول بقراءة الرواية وحسين يقرا الجريد ويشرب كبتشينو
اشوي ونسمع صوت بكي من قلب؟
حسين بخوف: محمد اشفيك؟
محمد: مات مات لا مايصير غش حرام .(يقرأ رواية غارقات في دوامة الحب)
حسين: من الي مات؟!!!!!!!!!
محمد:مات مات مسكينه يانوف يابدر حرام عليك تموت
حسين يضحك :انتَ خبل ياولد هذي روايه مو حقيقه
محمد: أي بس مايموت آه ياقلبي عليك يابدر
حسين:اقول كمل كمل بكي بس الله يتمم لك عقلك
محمد:اكيد باكمل
حسين: واهوه يشرب الكبتشينو انكب اشويه منه على الطاوله بياخذ منديل العلبة خلصت توني فاتحها شلون خلصت
ناظر يمين الا محمد مسح كل دموعه بعلبة المناديل
حسين: محمدوه وجع
محمد مو حاس الا بدموع تنزل بعدين بضربه حسين على كتفه
موضوع: رواية حنان قلبك يريحني 
الجمعة مارس 11, 2011 8:19 am
