افكر فيك وادري من يفكر فيك ماينلام
...لانك كثرماتجرح خفوقه تنعش اماله
احبك وادري ان اللي يحبك يحسب الايام
...لانك كثرماغبت وجفيته تطري في باله
تقول ان الوعدعدى واقول ان الوعد قدام
...وانا من قبل اغني بك يجر الشوق مواله
ولايكفيك من عمري يضيع العام بعد العام
...ولايرضيك ان قلبي تشد الناس رحاله
عشان عيونك وعين القصيد وسكة الاحلام
...كتبتك لين خليت القصيد يهز فنجاله
ترى لوقلت لك عطني همومك واستريح ونام
...مثل مااقول يعني لويموت العاقل اشوى له
حبيبي وش بلى هالقلب لامنه عشق ينضام
...وراك اتعبتني والهرج يمك مرخي احباله
اذا الحب بنظر عينك شقى حال وتعب واوهام
...تراك انت اخر انسان يتكلم عن شقى حاله
موضوع: افكر فيك 
الأحد أكتوبر 30, 2011 1:17 pm